मराठी मालिका आणि चित्रपटसृष्टीतील प्रसिद्ध आणि तुमच्या आमच्या सर्वांचा आवडता अभिनेता सुयश टिळकने त्याच्या चाहत्यांसाठी एक आनंदाची बातमी दिली आहे. सुयश टिळकचा नुकताच साखरपुडा संपन्न झाला आहे. का रे दुरावा, बापमाणूस, दुर्वा, शुभमंगल ऑनलाईन या आणि अशा अनेक मालिकांमधून केलेल्या उत्कृष्ट अभिनयाद्वारे सुयश टिळक महाराष्ट्रातील घराघरांत पोहचला आहे. म्हणूनच चॉकलेट बॉय अशी ओळख असलेल्या सुयशचे चाहते खूप प्रमाणात आहेत.
सुयश आणि आयुषीचा साखरपुडा
आम्हाला सांगायला अतिशय आनंद होत आहे की सुयश टिळकने 6 जुलै रोजी आयुषी भावे सोबत साखरपुडा केला आहे. आयुषी बद्दल बोलायच झालं तर आयुषी ही 2018 ची महाराष्ट्राची श्रावण क्वीन किताबाची मानकरी ठरलेली आहे. तसेच आयुषीने युवा डान्सिंग क्वीन या टेलिव्हीजन शो मध्ये भाग घेतला होता. सुयश टिळक आणि आयुषी भावे या दोघांचा साखरपुडा हा साऊथ इंडियन पद्धतीने संपन्न झालेला आहे. महत्त्वाची गोष्ट अशी की ज्या दिवशी (6 जुलै) साखरपुडा संपन्न झाला त्या दिवशी आयुषीचा वाढदिवस होता. वाढदिवसाचं औचित्य साधून आणि साऊथ इंडियन पद्धतीचा पोशाख परिधान करून काही ठराविक मित्र-परिवारासोबत या दोघांनी थाटामाटात साखरपुडा केला आहे.
सोशल मिडिया द्वारे दिली गोड बातमी
सुयश आणि आयुषी या दोघांच्या साखरपुडयाचे काही फोटो सोशल मिडियाच्या माध्यमातून मोठ्या प्रमाणात व्हायरल होत असून त्या फोटोंमध्ये सुयश आणि आयुषी या दोघांची जोडी खूपचं सुंदर दिसत आहे. स्वत: सुयश ने ही गोड आनंदाची बातमी सोशल मिडिया अकाऊंटवरून चाहत्यांसोबत शेअर केली आहे.
सुयश टिळक बद्दल बोलायचं झालं तर सुयशने का रे दुरावा, सख्या रे, बापमाणूस, दुर्वा इ. मालिका आणि क्लासमेट्स, तिचा उंबरठा, कॉफी आणि बरचं काही, खाली पिली, इ. चित्रपटात काम केले आहे. सुयश सध्या शुभमंगल ऑनलाईन या कलर्स मराठीवरील मालिकेत सायली संजीव सोबत काम करत आहे.
आपली मायबोली टीमकडून सुयश टिळक आणि आयुषी भावे या जोडीचं खुप खुप अभिनंदन आणि भावी आयुष्यासाठी खुप सार्‍या शुभेच्छा.
[…] […]