अभिनेत्री शिल्पा शेट्टीचे पती राज कुंद्रा यांना अटक
नुकत्याच हाती आलेल्या बातमीनुसार मुंबई पोलिसांनी प्रसिद्ध उद्योगपती आणि अभिनेत्री शिल्पा शेट्टीचे पती राज कुंद्रा यांना अटक केली आहे. अश्लिल चित्रपट तयार करणे आणि ते काही ॲप्लिकेशन्स वर प्रसिद्ध केल्याप्रकरणी मुंबई पोलिसांनी ही मोठी कारवाई केली आहे. (Shilpa Shetty’s husband and famous businessman Raj Kundra has been arrested by Mumbai Police.)
राज कुंद्रा यांच्या विरोधात सबळ पुरावे
आज राज कुंद्रा यांची 7 ते 8 तास कसून चौकशी केल्यानंतर त्यांना संध्याकाळी मुंबई पोलिसांनी अटक केली. मुंबई पोलिसांकडे राज कुंद्रा यांच्या विरोधात सबळ पुरावे असून (Mumbai Police has sufficient evidences against Raj Kundra) त्यांनीच हा गुन्हा केल्याचे पोलिसांच्या तपासात सिद्ध झाले आहे. फेब्रुवारी 2021 मध्ये या प्रकरणी पोलिसांकडे तक्रार दाखल करण्यात आली होती आणि त्यामध्ये काही जणांना अटक करण्यात आली होती. आमच्याकडे राज कुंद्रा यांच्या विरोधात सबळ पुरावे आहेत अशी माहिती मुंबई पोलिस आयुक्त हेमंत नगराळे यांनी दिलेली आहे. उद्या राज कुंद्रा यांना न्यायालयात दाखल करण्यासाठी नेण्यात येणार आहे.
